Gəncə Dövlət Milli Dram Teatrında “Əli və Nino” tamaşasının premyerası olub

Gəncə Dövlət Milli Dram Teatrında Qurban Səidin eyniadlı romanı əsasında, V.Reznikovanın səhnələşdirdiyi “Əli və Nino” pyesi əsasında hazırlanmış tamaşanın premyerası baş tutub.

Tamaşanın quruluşçu rejissoru və quruluşçu rəssamı Abdulla Elşadlı, xoreoqrafı Zeynəb Abdullayeva, geyim rəssamı Sara Məmmədovadır. Musiqilərin müəllifi və tərtibatçısı Ziyad Abbasov, işıq rəssamı Emin Musayev, işıq operatoru isə Adil Məmmədovdur. Səhnə əsərində Əməkdar artistlər Novruz Cəfərov, Ramiz Vəliyev və Salamulla İsmayılov, eləcə də aktyorlar Şahmar Məmmədov, Ruslan Hüseynov, Nəzrin Səfərova, Vasif İsmayılov, Zülfiyyə Əliyeva, Elvin Alnağıyev və başqaları rol alıblar.

Tamaşanın hazırlanmasında F.Əmirov adına Gəncə Dövlət Filarmoniyasının rəqqasları Zöhrə Cabbarova və Aytəkin Kərimli də iştirak ediblər.

Əli və Ninonun saf məhəbbəti fonunda dövrün ictimai-siyasi hadisələri, insan taleləri, milli kimlik və mənəvi dəyərlər, eləcə də mürəkkəb seçimlər səhnə dili ilə tamaşaçılara təqdim olunub.