Sabah Yaradıcılıq Birliyi yeni bədii film çəkib.

“Yağlı boya ilə ailə portreti” adlı film dram janrındadır. 1 saat 19 dəqiqəlik filmdə tələbə-rəssam olan yeganə övladı Qarabağ müharibəsində şəhid olmuş Çingiz adlı kişinin həyatı əks olunub. Onun həyat yoldaşı da övladının itkisinə dözməyərək vəfat edib. Filmin əsas mövzusu ürək xəstəsi olan Çingiz adlı kişinin təsadüfən üstü açılmış sirdən sonra övladı xəstə olan qonşusuna maddi yardım etməsi, fədakarlığıdır, Qarabağ müharibəsinin fəsadlarıdır.

Filmin ssenari müəllifi və quruluşçu rejissoru Sirac Mustafayevdir.

Quruluşçu operator Fahir Səmədoğlu, bəstəkar Vüsal Ömərov, rəssam Elyaz Səfərov, prodüser isə Şərif Qurbanəliyevdir.

Baş rolda Eldəniz Rəsulovun çəkildiyi film iyulun 19-da saat 21:30-da AzTV-də nümayiş olunacaq.