Polşanın Lüblin şəhərindəki Mariya Küri adına universitetdə 27-ci Tələbə Filmləri Festivalı keçiriləcək.

Fevralın 15-dən aprelin 2-dək davam edəcək festivalda Azərbaycan və Almaniyanın ortaq istehsalı olan “Staniçek” filmi də nümayiş olunacaq. 2018-ci ildə lentə alınmış ekran əsərinin rejissoru Veyt Helmerdir. Filmin nümayişi fevralın 28-də olacaq, ondan əvvəl isə tamaşaçılara “Müharibənin sonu” adlı qısametrajlı film göstəriləcək.

Baş rollarını Denis Lavant, Çulpan Xamatova və Miki Manoyloviçin oynadığı ekran əsəri səssiz film dövrünün ən yaxşı komediya ənənələrinin layiqli varisi kimi təqdim olunur.

Ümumilikdə, festival ərzində 16 filmin nümayişi nəzərdə tutulub.