Yarım əsrdən artıq dövr ərzində xalqımızın söz xəzinəsinə dəyərli töhfələr verən böyük şair Vaqif  Səmədoğlunun müxtəlif illərdə çəkdiyi fotolardan ibarət “Vaqif Səmədoğlunun foto dünyası” adlı sərgi keçirilib.

Böyük şair Vaqif Səmədoğlu yaradıcılığı poeziyamızda , dramaturgiyamızda  təkrarsız  və əvəzolunmazdır. Vaqif Səmədoğlu Mərkəzinin təşkilatçılığı ilə Xalq şairin müxtəlif illərdə çəkdiyi fotolardan ibarət “Vaqif Səmədoğlunun foto dünyası” adlı sərgi keçirilib.

Şairin həyat yoldaşı,  Vaqif Səmədoğlu Mərkəzinin direktoru  Nüşabə Vəkilova  və digərləri  yaddaşlarda silinməz iz qoyan ədibin ömür yolundan zəngin yaradlıcılığından bəhs ediblər. “Hərdən mənə elə gəlir ki ,mən yox, şeirlər məni yazır” deyən  Vaqif Səmədoğlu  yaradıcılığının dəyəri sözlərə sığmazdır. Ekspozisiyada nümayiş olunan Fotolar şairin poeziyasının davamıdır. Bildirilib ki ,foto əsərlərində də insanın ən dərin cəhətlərini açmağa çalışan, insanın keçmişi, fikirləri, həyata baxışları, insanlara münasibəti – bütün bunlar onun fotolrında öz izini qoyub. Xatırladaq ki, Vaqif Səmədoğlu həvəskar fotoqraf olub və vagifsevərlər onun lentə aldığı həyat fraqmentlərini poeziyasının bir hissəsi kimi dəyərləndirirlər.