Bir çox bədii və sənədli filmlərin istehsalı ilə məşğul olan “Azərbaycantelefilm” Yaradıcılıq Birliyinin 60 illiyinə həsr olunan tədbir keçirilib.

Dövlət Film Fondunun binasında reallaşan tədbirdə “Azərbaycantelefilm”in  əməkdaşları ilə yanaşı televiziya xadimləri də iştirak edib. Təbrik üçün səhnəyə dəvət alan qonaqlar qurumun 60 illik fəaliyyəti ərzində istehsal etdiyi filmlərdən danışıblar.

Elmi-kütləvi, etnoqrafik janrda çəkilmiş filmlərin istehsalına üstünlük verən qurum  ümumilikdə 1500 saat həcmində, 2300 adda televiziya filmi çəkib. Azərbaycanın tarixi, folkloru, memarlığı, mədəniyyəti və  insanları filmlərin əsas mövzusu olub.

Tədbirin sonunda “Azərbaycantelefilm” Yaradıcılıq Birliyinə həsr olunan “Dövrün portreti filmlər və insanlar” filmi də  təqdim olunub.