Rusiyalı rejissor Kantemir Balaqovun “Hündürboy” filmi “Ən yaxşı beynəlxalq bədii film” nominasiyası altında “Oskar”a namizədlər siyahısına daxil edilib. Bu barədə Amerikanın Elm və Kinematoqrafiya Akademiyasının mətbuat katibliyi məlumat verib.

Siyahıya həmçinin Çexiyanın “Rənglənmiş quş”, Estoniyanın “Həqiqət və ədalət”, Fransanın “Səfillər”, Macarıstan “Qalanlar”, Şimali Makedoniyanın “Bal ölkəsi”, Polşanın “Yaxşı bədən”, Seneqalın “Atlantika”, Cənubi Koreyanın “Parazitlər”, İspaniyanın “Ağrı və şöhrət” ekran əsərləri daxil edilib. Adları çəkilən bu filmlər 91 ekran arasından seçilib.

“Hündürboy” filmi iki rəfiqənin həyatından bəhs edir. Onlar 1945-ci ildə müharibədən sonrakı dövrdə yeni, firavan həyata başlamaq istəyirlər.