20 Yanvar faciəsinin 32-ci ildönümü ilə əlaqədar Milli Kitabxananın əməkdaşları “20 Yanvar – Qan yaddaşımız” adlı elektron məlumat bazası hazırlayıblar.

12 bölmədən ibarət olan məlumat bazasında azadlıq fədaisi İlham Allahverdiyevin hadisə şahidi olan anası və qardaşı, həmçinin faciənin törədildiyi günlərdə fotoçəkilişlər aparan fotoqraf Tahir Cəfərov və digərlərinin Qanlı Yanvarla bağlı acı xatirələri qeyd edilib. “Rəsmi sənədlər”, “Həm hüzn, həm də qürur günümüz”, “Görkəmli şəxslər 20 Yanvar haqqında”, “20 Yanvar faciəsi şahidlərin dili ilə...”, “Filmoqrafiya”, “Fotoqalereya” “Videoqalereya” “20 Yanvar şəhidlərinin əbədi xatirəsi”, və digər bölmələrdə də faciə ilə bağlı məlumatlar yerləşdirilib. Elektron məlumat bazasına qeyd edilən link vasitəsi ilə daxil olmaq mümkündür.