Ötən il ərzində Azərbaycan Dövlət Film Fonduna şəxsi arxivlərdən kinematoqrafiyaya aid xeyli afişa və plakat, görkəmli rejissorlara, kino sahəsinin tanınmış simalarna məxsus şəxsi əşyalar, 1000-dən çox fotosənəd daxil olub. Film Fondunun muzeyində isə nadir kino avadanlıqları saxlanılır ki, onlardan bəziləri bərpa olunaraq işlək vəziyyətə gətirilib.
Bir vaxtlar “Bizim Cəbiş müəllim”, “Bir cənub şəhərində” filmlərinin lentə alındığı kamera, 20-ə yaxın nadir kino çəkiliş aparatı Dövlət Film Fondunda bərpa olunub.
Azərbaycan Dövlət Film Fondunun çoxşaxəli fəaliyyət istiqamətlərindən biri də raritet, yəni nadir texnikaların qorunub saxlanılmasıdır. “Azərbaycanfilm” Kinostudiyasında istismar müddəti başa çatmış avadanlıqlar Film Fonduna təhvil veriləndən sonra mütəxəssislər tərəfindən bərpa olunaraq, Fondun ekspozisiyasına daxil edilir. Burada yaradılan muzeydə isə ümumilikdə 200-ə yaxın kino texnikası və müxtəlif cihazlar nümayiş olunur.
35 millimetrlik kinolentlər üçün hazırlanmış peşəkar “Debri” kinokamerası xüsusi olaraq Rusiya İmperiyası üçün istehsal olunub. Azərbaycan Respublikasının dövlət varidatı elan edilən “İsmət” filmi də elə bu kamera ilə lentə alınıb. 1934-cü ildə çəkilmiş ekran işi Azərbaycanın ilk qadın təyyarəçisi Leyla Məmmədbəyovaya həsr olunub. İNTERŞUM (İSMƏT, FONDA LENT SƏSİ)
Kinohəvəskarlarının marağına səbəb olacaq avadanlıqlar arasıda raritet kinoproyektorlar, maqnitofonlar, səsyazma cihazları, nadir kameralar və fotoaparatlar da var.
Səsin bütün çəkiliş meydançasında eşidilməsini təmin edən əsas avadanlıqlardan biri də onlarla kilo çəkisi olan MEZ-dir.
200-ə yaxın texnikanın saxlanıldığı fond muzeyində görkəmli rejissorlarımızın şəxsi arxivindən ekspozisiyaya bağışlanan əşyalara da rast gəlmək mümükündür. Burada Azərbaycanın ilk səs rejissoru Ağahüseyn Kərimovun arxivindən kamera maqnitofonunu, 70-ci ilin “Kupava” adlı montaj aparatını, həmçinin Şərqin ilk qadın rejissoruna aid kitabları da görmək olar. İNTERŞUM... “Bakı” Kinostudiyasının ilk kino avadanlıqları üçün hazırlanmış albomunda isə o dövrdə alınan əksər kino cihazlarının fotoları adları və nömrələri ilə qeyd olunub. Diqqətimizi xüsusilə cəlb edən gəmi və qatar eksponatları haqqında maraqlı faktarı da öyrəndik. Belə ki, gəmi maketi rejissor Ceyhun Mirzəyevin “İşarəni dənizdən gözləyin” filmində istifadə olunub. Hafiz Fətullayev isə qatar maketinin kadrlarına “Qırmızı qatar” adlı ekran işində müraciət edib.
Kino tariximizə səyahəti 1969-c il istehsalı olan “KPT 7” kinoproyektoru ilə davam etdirdik. Mikayıl müəllimin avadanlığı işə salması ilə ətrafa yayılan səs və bir-birini dəyişən kadrlar bizi 70-ci illərin Azərbaycanına apardı... Dövlət Film Fondunun irihəcmli eksponatlarının bir qismi açıq havada nümyiş olunur. 60-cı illərin istehsalı olan transfarmatorlu işıq avadanlıqları “Arşın mal alan” filmində istifadə olunub. Muzeydə qorunan nadir ləvazimatlar müasir kinonun tələblərinə cavab verməsə də, onların yüksək səviyyədə bərpa olunması ziyarətə gələnlərin böyük marağına səbəb olur...
