Parisdə Lui Viton Fondu dünyanın mühüm impressionizm və müasir incəsənət ekspozisiyalarından biri olan Morozovlar Kolleksiyasını təqdim edir. Məşhur rus sənət himayədarlarının kolleksiyası XX əsrin əvvəllərindən bəri ilk dəfə Rusiyadan kənara çıxıb. 

Məhşur rus kolleksiaçıları Morozov qardaşlarının topladığı qiymətli əsərlər ilk dəfə Rusiya xaricində sənətsevərlərə təqdim olunur. Ekspozisiyada 200 rəsm əsəri ilə yanaşı, heykəltəraşlıq nümunələri və bir sıra fotoşəkil də nümayiş edilir. Ziyarətçilər Mixayıl və İvan Morozov qardaşlarının kolleksiyasında illərdir qorunub saxlanan Mane, Renuar, Qogen, Pikasso, Lotrek, Roden kimi sənətkarların məhşur əsərləri ilə tanış ola bilərlər. Belə nadir nümunələrdən biri də Vinsent Van Qoqun 1890-cı ildə kətana köçürdüyü "Məhbusların gəzintisi" tablosudur. Qeyd edək ki, rusiyalı peşəkar rəssamlardan dərs almış Morozov qardaşları incəsənət sahəsinin bilicisi kimi müasirlərinin əsərlərini toplamağa başlayıblar. Hətta 20 yaşlı Mixail Morozov Parisi gəzərərək o vaxtlar hələ məşhur olmayan Van Qoq və Qogen kimi impressionsitlərin əsərlərini alıb və oları Rusiyaya gətirən ilk dəllal olub. İvan Morozov isə Pol Sezanın tabloları ilə bərabər, müasir rus fırça ustalarının da rəsmlərini kolleksiyasına əlavə edib. Mütəxəsislərin fikrincə, Morozovların topladığı əsərlər Sergey Şukinin kolleksiya sərgisindən sonra ikinci belə böyük mədəniyyət hadisəsidir. Ermitaj Muzeyi, Puşkin adına İncəsənət Muzeyi və Dövlət Tretyakov Qalereyasının təşkilatçılığı ilə keçirilən sərgi fevralın 22-dək davam edəcək.

Fidan Babayeva