Qobustan Milli Tarix-Bədii Qoruğunda 2021-ci ilin yekunlarına dair toplantı keçirilib.

İl ərzində görülmüş işlər barədə ətraflı məlumat verən Qobustan Milli Tarix-Bədii Qoruğunun direktoru Vüqar İsayev elmi tədqiqat və təbliğat-təşviqat işləri, göstərilən xidmətlərin keyfiyyətinin yüksəldilməsi, innovativ üsulların tətbiqi və ziyarətçi məmnunluğunun daha da artırılması istiqamətində qarşıya qoyulan məqsədlərdən danışıb.

Əldə edilən uğurlarda əməkdaşların əməyini xüsusi qeyd edən direktor, il ərzində öz sahəsi üzrə yüksək peşəkarlıq göstərən və “İlin işçisi” seçilən qoruğun aparıcı elmi işçisi Sevinc Şirinli və texniki işçi Xəyam Rəhimlini toplantı iştirakçılarına təqdim edib. "İlin işçisi" adına layiq görülən əməkdaşları nümunəvi işçi adlandıran qoruğun direktoru onları bu münasibətlə təbrik edib, əzmkar və səmərəli fəaliyyətlərində müvəffəqiyyətlər arzulayıb.

Sonda Qobustan Milli Tarix-Bədii Qoruğunun adından təşəkkürnamə və mükafatlar sahiblərinə təqdim olunub.