“Xilas edilmiş mədəni sərvətlər” adlı sərgi-seminar başa çatıb

23 Oktyabr, 15:18 Sosial mediada paylaşın:

Muzey Sərvətləri və Xatirə Əşyalarının Elmi Bərpa Mərkəzi “Xilas edilmiş mədəni sərvətlər” adlı sərgi-seminar keçirib.

Tədbir regionlardakı muzey, qalereya, Heydər Əliyev mərkəzlərinin əməkdaşlarını mərkəzin fəaliyyəti və bərpa işi ilə tanış etmək məqsədi daşıyıb. Tədbirə Bərdə, Tərtər, Yevlax rayonlarının və Mingəçevir şəhərinin muzey, mərkəz və qalereyalarının əməkdaşları dəvət olunub. Üç gün davam edən sərgi-seminarlarda bu rayonların muzey toplularına məxsus eksponatların bərpa prosesini əks etdirən təqdimat, eləcə də mərkəzin fəaliyyətindən bəhs edən videoçarx nümayiş etdirilib.