Bakı Şəhər Mədəniyyət Baş İdarəsi 34 nömrəli Uşaq musiqi məktəbində ulu öndər Heydər Əliyevin anım gününə həsr olunan tədbir keçirilib.
Tədbirdə əvvəlcə ümummilli lider Heydər Əliyevin həyat və fəaliyyəti haqqında sənədli film nümayiş olunub.
Məktəbin direktoru Babək Əliyev qeyd edib ki, Azərbaycan xalqı öz xilaskarını heç zaman unutmur, daim onu ehtiramla yad edir. Ulu Öndər ömrünü xalqına həsr edən, dövləti üçün misilsiz xidmətlər göstərən rəhbər olub. Azərbaycan tarixinin əlli ildən çox bir dövrü ümummilli lider Heydər Əliyev şəxsiyyəti, onun böyük quruculuq fəaliyyəti ilə sıx bağlıdır. Ulu Öndərin ölkəmizə rəhbərliyi Azərbaycan tarixində əsaslı dönüş nöqtəsi olub və onun Azərbaycanın dövlətçilik tarixində rolu əvəzedilməzdir.
Sonra məktəbin müəllim heyətinin və şagirdlərinin ifasında əsərlər səsləndirilib.
