Britaniyalı rəssam Benksi keçmiş “Reading həbsxanası”nı (Berkşir, İngiltərə) müasir incəsənət mərkəzinə çevirmək üçün 10 milyon funt-sterlinq ianə vermək niyyətindədir.

İanə edilən vəsait Britaniya şairi və dramaturqu Oskar Uayldın (1854-1900) şeir həsr etdiyi həbsxananın divarında qraffiti yaratmaq üçün Benksinin istifadə etdiyi trafaretin satışından əldə olunacaq.

Hazırda Benksinin doğma şəhəri Bristolun sənət qalereyasında nümayiş etdirilən trafareti hərraca çıxartmadan 15 milyon funt-sterlinq (təxminən 20 milyon dollar) dəyərində maraqlı bir kolleksiyaçıya satılacağı planlaşdırılır.