Kinomuz dəmir yollarında

14 Oktyabr, 12:27 Sosial mediada paylaşın:

Ölkəmizdə hər il 13 oktyabr Azərbaycan dəmiryolu işçilərinin peşə bayramı günü kimi qeyd olunur. Müxtəlif vaxtlarda lentə alınmış filmlərimizdə dəmir yolu vağzallarında, eləcə də, qatarlarda çəkilən fraqmentlərə rast gəlirik. Gəlin, həmin ekran işlərinə bir nəzər salaq...

Dünya kino tarixi də elə dəmir yollarından başlayıb. Kinematoqrfayinanın əsasını qoyan Lümyer qardaşları 1895-ci il dekabrın 28-də Qatarın La-Syotaya gəlişini lentə alaraq  tamaşaçılara nümayiş ediblər. Bizim milli kinomuzun da bir çox filmlərinin  bəzi səhnələri dəmir yollarında, qatarlarda lentə alınıb. Məsələn spirtli içki həvəskarları tənqid olunan və gülüş atəşinə tutulan  “Qəribə əhvalat” filmindəki kimi.  1960-cı ildə çəkilən ekran işinin qəhrəmanı Kefçilov sərxoş vəziyyətdə hamama getmək əvəzinə Gəncəyə yola düşən qatara minir. O, çoxlu xoşagəlməz hadisələrlə qarşılaşır.  Və ya 1971-ci ildə Xalq yazıçısı Anarın ssenari müəllifliyi əsasında Arif Babayevin lentə aldığı “Gün keçdi” filmi.

1990-cı ildə Əbdül Mahmudovun ekranlaşdırdığı “Gecə qatarında qətl” filmi Əfqanıstanda hərbi xidməti başa vurandan sonra evə qayıdıb cinayətkar qrupa - Nağıyevin quldur dəstəsinə qoşulan gəncin acı taleyindən bəhs edilir. Rejissor Hafiz Fətullayevin 1993-cü ildə ərsəyə gətirdiyi “Qırmızı qatar” filmi XX əsr hadisələri haqqındadır. Əsərin adı rəmzidir. Söhbət həmin dövrün adamlarına firavanlıq vəd edən quruluşun sükansız qatar kimi şütüyüb keçməsindən gedir. Fraqmentlərindən bəziləri dəmir yollarında çəkilən “Romeo mənim qonşumdur”, “Bizim Cəbiş müəllim”, “Ulduz” və başqa filmlərin də adlarını qeyd etmək olar. 

CANLI YAYIM