Birləşmiş Ərəb Əmirliklərində birinci Dubay Motosiklet kinofestivalı yekunlaşıb. Üç günlük tədbirdə bu hərəkət vasitəsi, həmçinin motosikletçilərin həyatı haqqında ekran əsərləri nümayiş olunub.

1-ci Dubay Motosiklet Kinofestivalında ümumilikdə, 30 film nümayiş olunub. Bunların arasında rejissor Kem Elkinsinin “Sosanın nəğməsi” filmi böyük marağa səbəb olub. Festivalın təşkilatçısı Yan Karlessin sözlərinə görə, festivalda  iştirak edən rejissorlar arasında motosikletçılər də var və bu festival vasitəsilə onların potensialı üzə çıxır.

Festivalda diqqət cəlb edən fimlərindən biri də “Sürətli Eddi” adlı ekran işidir. Film hər gün motosiklet sürən İkinci Dünya Müharibəsi veteranından bəhs edir. “Ekstrimal yürüş” filmi isə İndoneziya mədəniyyətinə - Vespa motohəvəskarlarına  həsr olunub. Festivalda  yerli kinorejissorların “Niyə sürürük?” adlı qısametrajlı ekran əsəri də nümayiş etdirilib. Filmdə səhrada yaşayan qadın motosikletçilərindən bəhs olunur. Qeyd edək ki, 2-ci Dubay Motosikl kinofestivalının fevral ayında keçirilməsi planlaşdırılır.