Özbəkistan portalında Azərbaycanın adət-ənənələri haqqında məqalə yer alıb

29 İyul, 11:04 Sosial mediada paylaşın:

Özbəkistanın “ishonch.uz” portalı Azərbaycanın adət-ənənələri ilə bağlı özbək dilində geniş məqalə dərc edib.

Yazıda Azərbaycanın qonaqpərvərlik ənənələri, xalqımızın mətbəxi, bayramları haqqında məlumat yer alıb.

Bildirilir ki, Azərbaycanın qonaqpərvərlik ənənələri zəngin olduğu qədər də maraqlıdır. Qonaq gələn evdə bayram əhval-ruhiyyəsi hökm sürür. Qonaqlar süfrənin başında əyləşdirilir, onlara xüsusi qulluq göstərilir.

Yazıda Azərbaycanın ləziz yeməkləri-plov, dolma, piti, şirniyyatlar, şərbətlər haqqında söhbət açılır, 120 növ plov bişirildiyi vurğulanır.

Məqalədə Novruz bayramı, Novruzaqədərki çərşənbələr haqqında məlumat verilir, bu bayramın xüsusiyyətləri haqqında söhbət açılır.

Materialda, həmçinin Qurban bayramı, Ramazan bayramı və digər təqvimlər haqqında da oxuculara məlumat verilir.

Məqalə Özbəkistandakı Heydər Əliyev adına Azərbaycan Mədəniyyət Mərkəzinin təşəbbüsü ilə hazırlanıb.

CANLI YAYIM