Səudiyyə Ərəbistanından olan heykəltəraş Xusban Ben Əhməd al-Anizi 30 mərmər plitə üzərinə “Qurani-Kərim”in surələrini həkk edib.

Heykəltəraş bu işə ümumilikdə səkkiz il vaxt sərf edib.

“Hər şey 20 il bundan qabaq, mənim zəngin ərəb dilinə olan marağımdan başlayıb. Əvvəlcə doğma şəhərim Təbukda çıxan iri qranit daşları üzərində Quran surələrini yazırdım. Həqiqətən bizim region tarix boyu yüksək sənət axtarışında olan dahi rəssamları ilhamlandırıb”, - deyə heykəltəraş bildirib.

Qeyd edək ki, “Qurani-Kərim”in mətnini hazırlamaq üçün al-Anizi yaşıl mərmər daşlardan istifadə edərək üzərində müqəddəs kitabın bütün 114 surəsini Osmanlı imperiyasının xəttatlıq üslubunda həkk etdirib.