İncəsənət və təbiət indi İtaliyada pandemiya ilə mübarizə aparmağa kömək edir. Ölkədəki bütün muzeylər bağlı olsa da Neapoldakı Kapodimonte Muzeyi və Parkı vaksin vurdurmaq üçün qapılarını ziyarətçilərinin üzünə açıb. Muzeylə həkimlər arasında qeyri-adi, lakin məhsuldar bir əməkdaşlıq... Bura gəlməklə həm vaksin vurdurmaq, həm də ətrafdakı gözəllikləri seyr etmək mümkündür. Kapodimonte Muzeyində məşhur sənətkarların rəsmləri olan yer indi həm də maraqlı gözləmə otağıdır.

Peyvənd mərkəzi Kapodimonte parkındakı 17 binadan birində yerləşir. Burada gün ərzində 1200-ə qədər insan peyvənd olunur.

İtaliyada peyvəndlənmə prosesi ötən ilin dekabr ayında  başlayıb və hələ də davam etdirilir.

David Nuraşvili