Avstriyada yaşayan azərbaycanəsilli gənc bəstəkar və etno-musiqi mütəxəssisi Aria Torkanbouri Vyanada “ÖST Ensemble” adlı qrup təsis edib. Aria Torkanbouri 1989-cu ildə Təbrizdə doğulub. Musiqiyə o qədər bağlıdır ki, Təbriz Universitetində mühəndislik təhsilini yarımçıq qoyaraq, Üzeyir Hacıbəyli adına Bakı Musiqi Akademiyasına qəbul olunub. Görkəmli bəstəkar, Xalq artisti Arif Məlikov, Ceyhun Allahverdiyevin sinfində oxuyan musiqiçi təhsilini daha sonra Berlin, İstanbul və Qratsda davam etdirib.

Dünyaca tanınmış professor Beat Furrer, Özkan Manav və Hasan Uçarsudan dərs alan Aria Torkanbouri hazırda Vyana Musiqi və Səhnə Sənətləri Universitetində oxuyur. O, etno-musiqişünaslıq üzrə tanınmış Ursula Hemetekin sinfində Azərbaycan aşıq musiqisi və ümumşərq musiqi səs sistemi üzrə tədqiqatlar aparır. Aria Torkanbouri Vyanada “ÖST Ensemble” adlı qrup təsis edib. Bəstəkar söyləyir ki, ansamblın əsas məqsədi Şərqi Avropadan Uzaq Şərqədək geniş bir coğrafiyanı əhatə edən mədəniyyətlərə aid xalq və klassik musiqi əsərlərini ifa etməkdir.

Ülviyyə Heydərova