13 cinayət qurbanı olan və 7 dəfə  oğurlanan, əsrlərdir gündəmdən düşməyən Gent Qurbangahı əsəri... XVI əsrdə Avropada böyük bir protestant hərəkatı baş qaldırmışdı. Dini siyasi hərəkat kalvinist ikonamaxiyası adlanırdı. İslahatın əsas məqsədi isə  dini rəsmlərin yandırılması daha doğrusu məhv edilməsi idi.

Tarixdə Gent Qurbangahı adı ilə yadda qalan əsər məhz bu dövrdə yandırıldı. Daha sonra, Napoleon Bonapart tərəfindən oğurlandı. Nasistlərin maraqlandıran bu əsər birinci və ikinci dünya müharibəsi dövründə hədəfə alındı.  Müharibədən sonra bu əsər, ABŞ ordusu tərəfindən xilas olunaraq  Belçikaya qaytarıldı.  Əsərin bir qismi 85 ildir ki, hələ də tapılmayıb. Xristianlığı təmsil edən əsər 12 paneldən ibarətdir. Belçikanın  Gent  şəhərində Müqəddəs Bavo Kafedralında qorunur. Əsərin ilk müəllifləri  Flaman rəssamlar Hubert və Yan Van Eyk  qardaşlarıdır.  Əsərin hündürlüyü 12, eni isə 16 futdur. 600 illik tarix yeni bir formatda ziyarətçilərə təqdim olunacaq.

Bərpasına 2,2 milyon avro ayrılan əsər üzərində  2012-ci ildən başlayaraq  2020-ci ilə qədər restovrasiya işləri aparılıb.  Lakin bir çox mübahisələrə səbəb olan bu əsər üzərində hələ də bərpa işləri davam edir. Bütünlüklə  xristianlığı təmsil edən möhtəşəm qurbangah, zaman-zaman ikonamaxiyaya, oğurluq, zərər və parçalanmaya məruz qalan nadir əsərlərdən biridir.