Təkcə Almaniyanın deyil, bütövlükdə dünya ədəbiyyatının şah əsərlərindən hesab olunan “Faust” faciəsi Parisin Bastiliya Operasında nümayiş olunub.

Səhnə rejissoru Tobias Kratzerin rəhbəriliyiylə məşhur “Faust” operası yenidən səhnələşdirilib. Cəmiyyətin əbədi gəncliyə olan eşqini çatdıran rejissor, səhnə tərtibatıyla müasir Paris və alman romantizminin əsrarəngiz vəhdətini yaradıb. Fransız və alman personajlarını fərqləndirən Tobias onların öyrənmə arzusunu, gənclik axtarışı ilə müqayisə edib. Opera alman mütəfəkkiri Götenin iki pərdəli pyesi əsasında qurulub. Əsərin qəhrəmanı Faust kainatın gizli sirlərinə yiyələnmək və xoşbəxtlik axtarışındadır. Bunun müqabilində hətta ruhunu şeytana, Mefistoya satmağa hazırdır. Faust obrazını Avropa səhnələrinin nüfuzlu tenor ifaçısı Benjamin Bernheim ifa edir. Pandemiya səbəbindən canlı tamaşaların ləğvinə baxmayaraq, operanın növbəti mövsümdə yenidən nümayiş olunacağı gözlənilir.

Nəzrin Əzizli