Pablo Picasso, Rene Maqrit  və Joan Mironun rəsm əsərləri hərraca çıxarılaraq xeyriyyə kompaniyasında iştirak edəcəklər. XX əsrin sənəti təmsil olunan hərraca  Kristi  ev sahibliyi edəcək.

23 martdan etibarən başlayan auksiyonda sürrealist rəssamların ən ecazkar əsərləri satılacaq. Tablolar arasında Picassonun – “Femme nue couchée au collier" (Föm nu kuşue u collieğ)  əsərinin 9 - 15 milyon funt-sterlinqə  satılacağı təxmin edilir.

“XX ƏSR" hərracının həmsədri Kit Qill: - "Hər şey 20-ci əsrə aiddir və 21-ci əsr sənəti ilə birlikdə nümayiş etdirəcəyik.Satışdakı əsərlər əsasən bazarda yenidir buda müştərilərimizin istədiyi tək şeydir. Brexitin Londondakı sənət satışlarına təsiri barədə isə onu deyə bilərəm ki, satışlarımız gün keçdikcə artır".

55 lotdan ibarət sərgidə iştirak edən  məşhur sürrealist rəssam Rene Maqritin  "Le mois des vendanges"( le mua de vandaj) tablosunun qiyməti yüksək dəyərləndirilir. Əsərin 10-15 milyon funt-sterlinqa satılacağı gözlənilir. Joan Miro'nun "Peinture” əsərinin qiyməti isə 9-14 milyon funt-sterlinqə nəzərdə tutulur. 

"Bu, son iyirmi ildə ən güclü satış olacaq" deyən muzeyin satış rəhbəri Olivier Camu, 55 əntiq əşyadan yalnız 3 nün yüksək qiymətə satıacağından əmindir. Ötən il Southampton Xəstəxanasının büdcəsinə köçürülən məbləğ, bu il İngiltərənin Milli Səhiyyə Xidmətinin COVID-19 pandemiyasına qarşı mübarizə fonduna köçürüləcək.

Lalə Quliyeva