Moskvada Azərbaycan və Rusiyanın böyük baritonlarının xatirəsi yad ediləcək

2 Mart, 14:40 Sosial mediada paylaşın:

Moskvada Azərbaycan və Rusiyanın böyük baritonlarının xatirəsinə həsr olunan konsert keçiriləcək. Azərbaycanəsilli müğənni Emil Kadırovun "Böyük baritonların xatirəsinə" adlı solo konsertində SSRİ xalq artisti İosif Kobzonun, Rusiyanın Xalq artistləri Dmitri Xvorostovskinin, Sergey Zaxarovun, eləcə də dünya şöhrətli SSRİ Xalq artisti Müslüm Maqomayevin repertuarından əsərlər səsləndiriləcək.

Musiqili proqramda rusiyalı ifaçılar Renat İbrahimov, Diana Gurtskaya, Yevgeni Kunqurov və Anastasiya Cernovolos xüsusi qonaqlar arasında olacaq. Konsertdə tamaşaçılara solo ilə yanaşı, duet ifalar da təqdim ediləcək. Qeyd edək ki, Rusiyada məşhurlaşan Emil Kadırov bir çox beynəlxalq müsabiqənin laureatıdır. Həmçinin, “Səs” layihəsində iştirak edən Emil Kadırov "Zakarpatye Edelveysi", "Qara dənizdə" müsabiqələrinin Qran Pri mükafatının qalibidir.

CANLI YAYIM