Fotoqraf Florian Menert layihəsinə rəqqaslar və musiqiçiləri cəlb edib.  Belə ki, onlar eyni anda içi hava ilə doldurulmuş kürələrə daxil olaraq səhnədə müəyyən formada düzülüblər. Almaniyalı fotoqraf Florian Menert sosial məsafəyə yaradıcı yanaşma edib. O, layihəsi çərçivəsində rəqqasları, aktyorları və musiqiçiləri xüsusi kürələrin içinə salaraq fotolarını çəkib.

Fotoqraf layihəylə bağlı təəssüratlarını bölüşərək bunları deyib: "Hamımız müəyyən bir təcriddə, təcrid olunmuş öz kürələrimizin içindəyik. Bu şəraiti koronavirus yaratdı. Və bununla da mən əsərimlə bir birinə yaxınlaşa bilməyən insanları göstərirəm. Fotosessiya ərzində kürələrin içində oksigenin tədricən azalması və hərəkət məhdudluğu çətinlik yaratmışdı. Bizim təqribən 10-15 dəqiqəmiz olmuşdu, sonra isə kürədə hava azalırdı. Lakin biz işin öhdəsindən uğurla gəldik".

Pandemiya dövründə sosial məsafənin, özünütəcridin təsirini göstərməyə çalışan fotoqraf Florian Menert layihəsinə Ştutqart Filarmoniya orkestrini cəlb edib. Rəqqaslar və musiqiçilər  eyni anda içi hava ilə doldurulmuş kürələrə daxil olaraq səhnədə fərqli  formalarda düzülüblər.

Sosial məsafəyə yaradıcı yanaşma edən fotoqraf Menetrın layihəsi tamaşaçılar tərəfindən böyük rəğbətlə qarşılanıb.

Kazım Quliyev