Yeni başalayan Milan dəb həftəsində artıq ilk nümayişlər reallaşıb. Virtual keçirilən tədbirdə bir-birindən maraqlı kolleksiyalar təqdim edilib.

Pandemiya səbəbilə ənənəvi formatda reallaşa bilməyən Milan dəb həftəsini İtaliyanın məşhur “Missoni” brendi açıb. Nümayiş videosunda payız-qış geyimləri ilə yanaşı yaz-yay kolleksiyası da təqdim edilib. Tədricən normal həyata qayıdışı qeyd edən Missoni brendi modellərə böyük ölçülü sviterlər, enli şalvarlar, topiklər, eləcə də uzun ziyafət libasları geyindirib.  Xüsusi vurğu isə zərli naxışlara, parıltılı parçalara və rəngbərəng ornamentlətə edilib. İkinci təqdimat isə dizayner Kim Consun debütünə həsr olunub. Fendi brendi altında  podiuma çıxan modellər qəhvəyinin açıq tonlarında, boz, ağ və qara rənglərdə  paltolar, toxunma üst geyimləri, yüksək belli şalvarlar ipək libaslarda olublar. Qeyd edək ki, Milan Dəb Həftəsi martın 1-nə kimi davam edəcək. Həftə çərçivəsində Armani, Parada, Valentino, Dolce Qabbbana kimi moda evləri yeni kolleksiyalarını  rəqəmsal platformada nümayiş etdirəcək.