Koronavirus səbəbindən Vyana Dövlət Operasında tamaşalar təxirə salınsa da, teatrın binası hər həftənin cümə günündən bazar gününə kimi ekskursiya üçün açılıb.

Ziyarətçilər lobbiyə, Çay Salonuna, Qustav Malerin zalına, Mərmər zala, foyeyə və İmperator lojasına baxa bilərlər. Bundan başqa, ziyarətçilər küar kod vasitəsilə teatrın saytına daxil olub, interyerdəki sənət əsərlərinin tarixi haqqında məlumat əldə edə bilərlər. İlk həftəsonunda 2100 yerli əhali və turist Vyana Dövlət Operasını ziyarət edib.