Pandemiya dünyanın müxtəlif ölkələrində keçirilən karnavalların, festivalların təxirə salınmasına səbəb oldu... Lakin adət-ənənələrini unudulmağa qoymayan insanlar virtual da olsa illik bayramlarını qeyd etməyə çalışırlar....

Davam edən pandemiya səbəindən Venesiya məşhur karnavalından məhrum  olub. Son bir ay ərzində  şəhər 70 milyon avro gəlir itirib.  Əgər 2019-cu ilin fevralında  Venesiyanı 500 min turist ziyarət etmişdirsə,  bu günlərdə şəhərin, demək olar ki, qonağı yoxdur. Karnavalın əsas məkanı Müqəddəs Mark meydanında isə tarixi kostyumlar geyinmiş  bir-iki venesiyalıya rast gəlmək olur. Venesiyada otellərin də cəmi 10 faizi fəaliyyət göstərir, lakin onlarda da heç kim qalmır. Çünki bütün ictimai tədbirlər pandemiyaya görə ləğv olunub. Onlayn sifarişləri yerinə yetirən maska ustaları işləsələr də, təəssüf ki,  dükanlarında bir nəfər də olsun alıcı yoxdur. Maliyyə çətinliklərinə baxmayaraq, karantin sükutuna qərq olmuş Venesiya bu il yalnız yerli sakinlərin ixtiyarındadır. Sanitar qayda-qanunların ciddi riayət olunduğu 2021-ci il Venesiya karnvalını isə ziyarət etmək mümükündür, lakin internet üzərindən... Bu, həm də qədim italyan ənənəsinin unudulmaması məqsədini daşıyır...

Xavər Zairova