Xalq yazıçısı İlyas Əfəndiyevin “Qarabağnamə” əsərinin motivləri əsasında “...Yox içində xarı bülbül” adlı bədii film çəkilir.

Azərbaycan Film Akademiyasının istehsalı olan “...Yox içində Xarı Bülbül” adlı film 12 seriyadan ibarətdir. Ekran əsərində  Qarabağ xanı İbrahimxəlil xan Cavanşirin qızı Ağabəyim Ağa və Qacar şahı Fətəli şah Qacardan bəhs olunur. Ekran işinin adının seçilməsi isə təsadüfü deyil.

Zaur Tahirsoy, kinorejissor: "Filmin adının seçilməsi əsasən Ağabəyim ağanın yazdığı Vətən bağı şeiri var, ki onun üçün qürbətdə olanda Qarabağda olan vətən bağından eynisi salınıb, lakin içində Xarı Bülbül bitməyib. Və Ağabəyim Ağa vətən bağı adlı şeir yazır, onun bir misrasıdır  ki, Vətən bağı al-əlvandır, yox içində Xarı bülübül. Azərbaycanda tarixi filmlər çox çəkilib. Xüsusilə də Sovet zamanında çəkilən filmlər var. Amma onlar Sovet ideologiyasınının təsiri altında çəkilib. Bu gün biz yenidən planlayırıq, eyni tarixi personajlara toxunaq və Müstəqil Azərbaycanın da ideologiyası orada əksini tapsın. Eynilə bu filmdə izləyicilərə həm tarixi məlumat verəcək, həm zövqlərini oxşayacaq, həm Azərbaycan qadınının gücünü görəcək. Bu da Azərbaycan qadını üçün bir motivasiya olacaq".

Tarixi filmin çəkiliş prosesi davam edir. Yaxın vaxtlarda da premyesarı nəzərdə tutulur. Filmdə baş rolları  Xalq artisti Pərviz Məmmədrzayev və Əməkdar artist Vəfa Zeynallı canlandırır. Quruluşçu rejissoru və ssenari müəllifi Zaur Tahirsoy, quruluşcu operatoru Elvin Mikayıllı olan ekran əsrində tarixi faktlar fərqli formatda təqdim edilir. 

Gülnaz Hacıyeva, Vüqar Həsənov