2021-ci il fevralın 28-də keçiriləcəyi planlaşdırılan “Oskar” mükafatlandırma mərasimi aprelin 25-nə kimi təxirə salınıb. Kinematoqrafiya Akademiyasından verilən açıqlamada koronavirus pandemiyasının kino sənayesinə vurduğu ziyandan danışılıb, eləcə də  iştirakçıların sağlamlığı və təhlükəsizliyi məsələsinin vacibliyi vurğulanıb.

Qeyd olunub ki, bu il pandemiya səbəbindən mərasimə ev sahibliyi edən Kaliforniya ştatı ilə yanaşı, mükafatlandırma müxtəlif yerlərdən də canlı yayımlanacaq. Xatırladaq ki, Hollivuddakı Dolby Teatrı Oskar şousunun ənənəvi keçirildiyi məkandır. 3400 tamaşaçı tutumuna malik teatr hər il yüzlərlə dünya ulduzunu bir yerə toplayır.