Hər il ənənəvi olaraq, təşkil olunan Kann Seriallar Festivalı bu il təxirə salınıb. Koronavirus pandemiyası ilə əlaqədar olaraq, təşkilatçılar festivalı 2021-ci ilin payızına keçiriblər.
Əvvəlcə, bu ilin 9-14 aprel tarixlərinə planlaşdırılan tədbirin oktyabrın 8-dən 13-nə kimi reallaşacağı nəzərdə tutulub. Qeyd edək ki, “Cannseries” adlı festival serialların bütün dünyada tanıdılması məqsədilə 2018-ci ildə təsis olunub. İştirakçılar “Ən yaxşı serial”, “Ən yaxşı rol”, “Ən yaxşı musiqi müşayiəti”, “Ən yaxşı ssenari” və “Ən yaxşı aktyor ansanblı” kimi beş əsas kateqoriyada mübarizə aparırlar. Qalibləri isə münsiflər heyəti təyin edir.
