Tbilisidə 1918-ci il mayın 28-də Azərbaycan Xalq Cümhuriyyətinin elan edildiyi hazırkı Gənclər Sarayının binasında təmir işlərinə başalnılıb. 1845-47-ci illərdə inşa edilən sarayda bərpa və yenidənqurma işlərini Tbilisi İnkişaf Fondu həyata keçirəcək.

Binanın restavrasiyası ilə bağlı tender ötən ilin martında elan olunsa da, pandemiya səbəbindən işlər təxirə salınmışdı. Tarixi tikilinin fasadı, interyeri, dam örtüyünün təmiri 2023-cü ilin iyun ayınadək davam etdiriləcəyi nəzərdə tutulub. Saray mədəni irs nümunəsi olduğu üçün restavrasiya işləri zamanı binanın orjinallığının qorunacağı bildirilib.