Görkəmli bəstəkar Fikrət Əmirovun “Min bir gecə” baleti Sankt-Peterburqda dünya şöhrətli Mariinski Teatrında nümayiş etdirilib. Tamaşalar Teatrının Primorski filialının qastrol səfəri çərçivəsində dörd gün ərzində uğurla təqdim edilib.
Proqramda həmçinin digər bəstəkarların da baletləri nümayiş etdirilib. Baletmeyster Eldar Əliyevin quruluş verdiyi, dirijor Əyyub Quliyevin idarə etdiyi “1001 gecə” baleti tamaşaçıların böyük marağına səbəb olub. Mariinski Teatrının direktoru, dünya şöhrətli maestro Valery Gergiyev Fikrət Əmirovun baletini izləmək üçün xüsusi olaraq şəxsi cədvəlinin dəyişib. Tamaşadan sonra maestro bütün iştirakçı heyəti təbrik edərək, Mariinski Teatrı tarixində əlamətdar və unudulmaz hadisə kimi dəyərləndirib.
