Türkiyənin qədim şəhərlərindən biri olan Ərzurumda qeyri-adi eksponatları olan muzey fəliyyət göstərir. “Ata Buz” adlanan muzey 2021-ci ilə maraqlı sərgi ilə qapılarını ziyarətçilərin üzünə açır.

Musiqi və işıqlarla həmahəng olan buz heykəllər... Bu şəfaff sənət əsərləri Türkiyədə ilk dəfə yaradılan “Ata Buz Muzeyi”ndə nümayiş olunur. Atatürk Universitetinin dəstəyi ilə 18 aya tamamlanan muzeydə 8 buz istehsal edən cihaz, buz qəlibləri üçün 16 soyuducu qoyulub. Ötən il yaranan muzey ikinci böyük sərgisini “Cumhuriyyət və çocuk” mövzusuna həsr edib. Heykəltəraşlar əl işlərinin üzərində 3 aya yaxın müddətdə işləyiblər. Sərgi xüsusilə uşaqlar üçün nəzrədə tutulduğundan, muzeyin rəhbərliyi bildirib ki, pandemiya ilə əlaqədar şagirdlər növbəli şəkildə kiçik qruplarla ekskursiyaya dəvət olunacaqlar. Muzeydə işləyən heykəltəraşların əksəriyyəti tələbələrdir. Onların da əsas məqsədi eksponatları uşaqlar üçün daha əlçatan etməkdir. Balaca ziyarətçilər 5, bəzən isə 15 günə ərsəyə gələn heykəllərə tamaşa etməklə yanaşı, həm də onlara toxuna biləcəklər. Mənfi 5 dərəcə tempraturda fəliyyət göstərən muzeydə hazırda 50-ə yaxın buz heykəl var. Yeni sərgi ilə əlaqədar müxtəlif fiqurlar və qeyri-adi instalyasiyalar hazırlanıb. “Ata Buz Muzeyi”ində “Cumhuriyyət və çocuk” sərgisi növbəti iki ay ərzində ziyarətçilər üçün açıq olacaq.

Xavər Zairova