Brextin müsiqi sənayesindəki rolu

18 Yanvar, 15:32 Sosial mediada paylaşın:

İngiltərədə Brexit reallığa çevrilirkən, musiqi sənayesində baş verə biləcək böyük böhranın əlamətləri üzə çıxır. Qanunlar yenilənməsə, musiqi sənayesində qazanılan real məbləğlər İngiltərənin sadəcə yuxusuna çevriləcək, – deyə musiqiçilər bildirirlər.

Brexit qanunları özüylə bərabər  Viza, İş icazəsi və Əlavə Dəyər Vergisinin artımını gətirir və bu da sözsüz musiqiçilərin üçün sərfəli deyil. Musiqiçilər qastrol səfərlərində bir neçə Avropa İttifaqı ölkəsini ziyarət etmək istəsələr böyük bürokratik çətinliklərlə üzləşəcəklərinə əmindirlər. Etiraz edən incəsənət nümayəndələri imzatoplama kampaniyasına başlayıblar. Onların arasında İngilis müğənni-bəstəkar Laura Marling, keçmiş One Direction ulduzu Louis Tomlinson və Şotlandiya rok qrupu Biffy Clyro da daxil olmaqla 260.000-dən çox sənətçi var.

Müstəqil Musiqi Dərnəyinin CEO'su Paul Pacifico etirazını bu şəkildə bildirir: "Avropada gəzirsinizsə, tur zamanı 30 fərqli ölkənin qaydalarına riayət etməyiniz lazım ola bilər".

Bəstəkar və naşir Michael Berkeley-nin sözlərinə görə: "Bu ölkə musiqi sənayesindən 5.8 milyard funt sterlinq qazanır. Bu, tək tərəfli bir məsələ deyil, İngiltərəyə gələn Aİ üzvləri üçün də qanunlar daha da qəlizləşir.”

Əgər Birləşmiş Krallıq - Aİ ilə bir razılığa gələ bilməsə, demək olar ki, musiqi sənayesi tamamilə iflic olacaq. Həm iqtisadi həm də sosial baxımdan...

 

Lalə Quliyeva

CANLI YAYIM