Milli Kitabxanadan kitabtoplama kanpaniyası

18 Yanvar, 13:31 Sosial mediada paylaşın:

İşğaldan azad olunan rayonlarda erməni vandalları tərəfindən tamamilə dağıdılaraq məhv edilmiş kitab fondlarının yenidən bərpası məqsədilə kitab toplanma kampaniyası başlayıb.

Milli Kitabxananın direktoru Kərim Tahirov çıxış edərək bildirib ki, milli kitabxana da Prezident İlham Əliyevin çağırışlarına qoşulub. Erməni vandalizmi nəticəsində işğaldan azad edilmiş torpaqlarda 975 kitabxana dağıdılıb, ümumilikdə 4.6 milyon nüsxə kitab məhv edilib. Qarabağdakı kitabxanaların yenidən bərpası məqsədilə ziyalılardan, ayrı-ayrı təşkilatlardan, nəşriyyatlardan və bütün vətəndaşlardan kitab toplanması kampaniyasına başlanması qərarı alınıb.  Bu təşəbbüsə ilk qoşulan Xalq yazıçısı Elçin isə özünün kitabxanasından 500-ə yaxın kitab  bağışlayıb.

Milli Kitabxananın direktoru Kərim Tahirov bildirib ki: "Məqsəd həmin kitabxanaların fondlarını bərpa etmək üçün kitab toplamaqdır. Və hamını bütün vətəndaşlarımızı, xaricdə yaqşayan vətəndaşlarımızı da bu kampaniyada iştirak etməyə dəvət edirəm".

Xalq yazıçısı Elçin ötən ilin çox böyük çətinliklərlə yanaşı, tarixi qələbə ili olduğunu qeyd edib.  Mədəniyyət Nazirliyinin və Milli Kitabxananın bu təşəbbüsünü böyük iş hesab edən Xalq yazıçısı bu kampaniyaya hər kəsin qoşulacağınına inandığını bildirib.  Qeyd edək ki, kitablar mövzu baxımından müxtəlif janrları əhatə edir, toplanan kitablar işğaldan azad olunan torpaqlardaki bir neçə  kitabxanalara təqdim ediləcək.

 

Gülnar İlqarqızı

CANLI YAYIM