İndoneziyada qədim qayaüstü rəsmlər aşkar edilib

18 Yanvar, 13:14 Sosial mediada paylaşın:

Arxeoloqlar İndoneziyada dünyanın ən qədim mağara rəsmini aşkar ediblər. Bəlkə də bu araşdırmaların nəticəsində təəccüb doğuran və min illərdir sirr olaraq qalan qədim insanlar yenidən kəşf ediləcək. 

Avstraliya arxeoloqları ən qədim mağara rəsmini kəşf ediblər. Təxminən 45.500 il əvvəl çəkildiyi güman edilən çöl donuzu təsviri İndoneziyanın Sulavesi adasındakı ucqar bir vadidə-Leang Tedongnge mağarasında tapılıb. Tünd qırmızı xardal piqmentindən istifadə edilərək çəkilmiş rəsm, bölgədəki insanların məskunlaşmasının ən qədim sübutu sayılır.

Arxeoloq Maxime Aubertin deyir ki: - "Rəsmin yaşını təxmin etmək üçün uran izotopu texnikasından istifadə etdik amma daha qədim ola biləcəyini güman edirik. Təxmini dediyimiz tarix bir kalsit çöküntüsünə əsaslanır. Hələ də araşdırmalarımız davam edir".

Rəsmdə aşkarlanan əl izlərindən DNT nümunələrini götürən arxeoloqların fikrincə bu tapıntı qədim insanların araşdırılmasında böyük rol oynayacaq. Eni 136 və uzunluğu 54 santimetr olan rəsmin hər detalı üzərində araşdırma işləri davam edir.

 

Lalə Quliyeva

CANLI YAYIM