Nizami Gəncəvi əlyazmalarının Bakı nüsxələri əsasında kitab hazırlanır

15 Yanvar, 12:00 Sosial mediada paylaşın:

AMEA Məhəmməd Füzuli adına Əlyazmalar İnstitutunda “Nizami ili” ilə əlaqədar “Nizami əlyazmalarının Bakı nüsxələri” adlı albom nəşri hazırlanır. Kitabda azərbaycan və ingilis dillərində Nizaminin bəşəri əhəmiyyəti haqqında giriş məqaləsi, Nizaminin dünya kitabxalarında qorunan mühüm əlyazmaları barədə məlumat, AMEA Məhəmməd Füzuli adına Əlyazmalar İnstitutunda qorunan 25 əlyazmanın müfəssəl təsviri, mühüm səhifələrin və miniatürlərin fotoları yer alacaq.

Əldə olunan nadir nüsxələrdən bəzisi vaxtilə Aya Sofya məbədinin kitabxanasında qorunan əlyazmalardır. İnstitutdan bildirilib ki, əsas məqsəd Nizami əsərlərinin dünyanın müxtəlif ölkələrində olan əlyazmalarının surətini əldə etmək və tədqiqata cəlb etməkdir.

CANLI YAYIM