“Avroviziya-2021” müsabiqəsində Azərbaycanı təmsil edəcək mahnının seçimi üzrə qəbula başlanılıb.

Seçimdə iştirak etmək istəyənlər yanvarın 19-a qədər mahnıları qeyd olunan elektron ünvana göndərə bilərlər. Mahnı 3 dəqiqədən artıq olmamaq şərtilə demo versiyada səsləndirilərək təqdim edilməlidir. Musiqinin 2020-ci il sentyabrın 1-dən əvvəl ictimai resurslarda və KİV-də yayımlanmaması da vacib şərtdir. Qeyd edək ki, mayın 18, 20 və 22-də Rotterdamda keçiriləcək “Avroviziya-2021” mahnı müsabiqəsində ölkəmizi Samirə Əfendi təmsil edəcək.