ABŞ-ın Milli İncəsənət Akademiyası Kaliforniyadakı ağır epidemoloji vəziyyət fonunda 63-cü "Qremmi" mükafatlarının təqdimatı mərasimini təxirə saldı.

Tədbirin 31 yanvarda təşkil edilməsi nəzərdə tutulsa da, vəziyyətlə əlaqədar martda keçiriləcəyi bildirilir. Təşkilatçılar noyabrın sonunda 84 nominasiya üzrə musiqi mükafatına namizədlər siyahısını açıqlayıblar. Nominasiyalar sayında doqquz kateqoriyada mükafata namizəd olan lider amerikalı müğənni Beyons olub. İfaçı Dua Lipa, Taylor Svift və müğənni Roddi Riç hər biri altı nominasiyaya layiq görülüblər.