2020-ci il istər dünyanın, istər də ölkəmizin həyatında bir çox enişli-yoxuşlu məqamları ilə yadda qalacaq. Dünyanı zəbt edən koronavirus pandemiyası, yeni qaydalar, səyahət qadağaları hər birimizin həyatından yan keçmədi. 2020-ci il Azərbaycan üçün ən əlamətdar hadisə  isə 44 gün davam edən Vətən müharibəsindən qalibiyyətlə ayrılmağımız və 30 ilə yaxın işğala son qoymağımız oldu. Bəs görəsən bizi və dünyanı 2021-ci ildə astroloqların proqnozlarına görə  nələr gözləyir?

Şərq təqviminə görə, ötən ağ siçan ilini elə ağ rəngli metal öküz əvəz edir. Çin zodiakında öküz müyyən xarakteristikası ilə digər 11 heyvandan fərqlənir. Zəhmətkeş, sədaqətli heyvan olan öküz həm də daxili gücü, mənəvi inkişafı və şəxsi formalaşmanı simvolizə edir. Şərqdə etibar və inam rəmzi kimi qəbul olunan öküz öz inadkar, coşğun, dəlisov xarkteri ilə də seçilir. Astroloqlar öküz ilində daha səbrli olmağı, qərar verərkən tələsməməyi tövsiyyə edirlər. Mühafizəkarlığı ilə fərqlənən öküz üzərində təhvil olan il insanlardan da iradə və qətiyyət gözləyir. Ağ Öküz ailədə və dostluqlarda rifah və firavanlığı, sıx bağları təmsil edir. Gərgin, eyni zamanda qürurverici günlər yaşayan xalqımız da növbəti ilin daha xoş xatirələrlə yadda qalacağına ümid edir...

Mədəniyyət xadimləri də yeni təqvim ilinin daha uğurlu, yaradıcılıq baxımından səmərəli olacağına inanırlar:

Yeni il... Təkcə, təqvimin deyil, yeni arzuların, xəyalların başlanğıcı...Yola saldığımız ildə döyüş meynında Qarabağ arzumuzu reallaşdırdıq, səhiyyə səngərində də qələbə çalmağımız diləyi ilə... Yeni iliniz mübarək...