Yeni il hədiyyələrini öz əlləri ilə hazırlayan xanım sənətkar

31 Dekabr, 16:06 Sosial mediada paylaşın:

Öz əllərimizlə hazırlanan hədiyyələrin dəyəri daha çox olur. Qəhrəmanı da bir sıra gözəl əl işləri hazırlamaq qabiliyyətinə malikdir.

Yeni il dostlarını və yaxınlarını orijinal hədiyyələrlə təəccübləndirmək üçün əla bir fürsətdir. Elə biz də azərbaycanlı sənətkarın öz əlləri ilə necə hədiyyə hazırladığının şahidi olduq. Polimer gilinin əl işi olan ən yaradıcı və fövqəladə növlərindən biri olduğunu əminliklə deyə bilərik. Şamiyə Quliyeva bu işin ustasıdır. Sənətkar bizim üçün yaxaya taxmaq məqsədi ilə yeni il aksesuarı hazırladı.

Əl işləri arasında bütün mövzulara rast gəldik. Müxtəlif cür bəzək əşyaları, boyunbaglar, güllər, ləçəklər, sırgalar, Qarabağın simvolu Xarıbülbül və bunun kimi digər rəngarəng əşyalar. Sənətkar deyir ki, fəsllərlə işləməyi də çox sevir. Belə ki, hər mövsümə uygun dekorlar hazırlayır. Məsələn Yeni il üçün qar adamları ilə stəkanlar və  digər əl işləri də bura daxildir.

Sənətkar deyir ki, hər il yeni il üçün öz əllərinizlə qeyri-adi bir hədiyyə yaratmağın bir başqa aləmi var. Və o da bu işə satış məqsədi ilə deyil, sadəcə bir zövq oxşayan məşguliyyət kimi baxdığı üçün bu onu daha da xoşbəxt edir.

CANLI YAYIM