Bu gün söz sərrafı Aşıq Sərrafın doğum günüdür

31 Dekabr, 13:09 Sosial mediada paylaşın:

Aşıq Sərraf forma və məzmun baxımından klassik poeziya ənənələrindən ən geniş, ən məharətli şəkildə istifadə edən, eyni zamanda ən zəngin dastan, cığalı şeirlər yaradıcılığına malik bir şair idi. O, gənc yaşlarından etibarən dahi Azərbaycan aşıqları ilə “bədahətən deyişmə” istedadına malik bacarıqlı aşıqlardan hesab olunurdu.

Sərraf Qasım klassik poeziya janrında heyrətamiz dastanlar və əsərlər yarada bilən bir şair olduguna görə Zəlimxan Yaqub və Həsən Mirzə kimi görkəmli şair və yazıçılar tərəfindən öz dövründə “Azərbaycanın misilsiz və təkrarsız şair oglu” adlandırılıb. Aşıq həm də Azərbaycan poeziya tarixində yaranan ilk səsli şeir kitablarından birinin müəllifi kimi tanınır.

Sərraf Qasım 1939-cu il dekabrın 31-də Naxçıvan MR Şahbuz rayonun Aşağı Qışlaq kəndində anadan olub. Uşaq yaşlarından şeirə, poeziyaya maraq göstərən şairin bu günədək 7 kitabı və çox sayda digər əsərləri çap olunub. Naxçıvanlı şairin Heydər Əliyevin irsinin yaşadılması sahəsində də özünəməxsus mühüm yaradıcılıq xidmətləri olub. Belə ki, şairin  2003-2005-ci illərdə ümumilli lider Heydər Əliyev və prezident İlham Əliyevə həsr etdiyi şeirlər kitabı çap edilib.

Söz sərrafı Aşıq Sərraf Qasım 2018-ci il fevralın 9-da doguldugu Şahbuz rayonunda vəfat edib. Şair haqqında bir sıra sənədli film, xatirəsinə həsr olunmuş verlişlər çəkilib.

CANLI YAYIM