Türkiyədə 31 dekabr – Dünya Azərbaycanlılarının Həmrəyliyi Günü qeyd edilib

30 Dekabr, 09:36 Sosial mediada paylaşın:

Pandemiya ilə əlaqədar olaraq kütləvi tədbirlərin keçirilməsi mümkün olmasa da, Türkiyədə 31 dekabr – Dünya Azərbaycanlılarının Həmrəyliyi Günü qeyd edilib. Qardaş ölkənin tanınmış sənətçilərinin bayram ərəfəsində Azərbaycan musiqisindən ibarət konserti olub.

Türkiyənin 4 tanınmış solisti bir araya gəlib Azərbaycan musiqisi səsləndirdilər, xalqımızla həmrəy olduqlarını mahir ifaları ilə nümayiş etdirdilər.

Azərbaycanın 44 günlük Vətən müharibəsindəki tarixi zəfərindən ilham alan sənətçilər konserti öz təşəbbüsləri ilə təşkil ediblər. Konsertdə həm ölkəmizdə, həm də Türkiyədə sevilən xalq mahnılarımız və korifey bəstəkarlarımızın unudulmaz əsərləri səsləndi.

TÜRKSOY - Beynəlxalq Türk Mədəniyyəti təşkilatının dəstəyi keçirilən konsertin ardından qurumun Baş katibi Düsen Kaseyinov ifaçılara xatirə plaketləri təqdim etdi.

Konsert Dünya Azərbaycanlılarının Həmrəyliyi Günü ərəfəsində sosial şəbəkələrdə geniş yayılıb.

 

Yalçın Tahiroğlu,

Azərbaycan Televiziyasının Türkiyə bürosu, Ankara

CANLI YAYIM