Vətən müharibəsinin iştirakçısı səhnədə olduğu kimi elə səngərdə də qəhrəmanlıq göstərib. 44 günlük Vətən müharibəsində düşmənlə vuruşan qəhrəmanlar sırasında Rusiya Bolşoy Teatrının vokal ifaçısı Atəş Qarayev də olub.

O, kiçik yaşlarından musiqiyə maraq göstərib, təhsilini də  bu sahə üzrə davam etdirib. Daha sonra Azərbaycan Akademik Dövlət Opera və Balet  və Akademik Musiqili Teatrında solist kimi fəaliyyət göstərib. Bu müddət ərzində müxtəlif yarışlarda iştirak edib, uğur qazanıb.

Anası Leyla Qarayeva deyir ki: "Bolşoy Teatra seçim zamanı seçilənlər sırasında idi. Onu Moskvaya dəvət etdilər. Orada müvəffəqiyyət əldə etdi. Gənclər truppasına üzv oldu, orada çalışdı".

Pandemiya səbəbindən vətənə qayıdan ifaçı, müharibə ərəfəsində orduya könüllü yazılır. Və ön cəbhədə düşmənlə mübarizəyə başlayır. Moskvadakı fəaliyyətini davam etdirmək üçün geri çağrılsa da, Vətənə xidməti etməyi özünə borc bilib, səngərə üz tutub.

Qəhrəmanımız uğurunda döyüşdüyü Şuşada həm qalib əsgər kimi, həm də ilk opera müğənnisi kimi çıxış edib.

Valideynləri hazirda xidmətini başa vuran Atəş Qarayevin ifaçı kimi fəaliyyətini davam etdirəcəyini və ən böyük arzusunun La-Skala səhnəsində çıxış etmək olduğunu bildirilər. Vokal ifaçısını La-Skala səhnəsində görmək arzusu ilə....