Haqverdiyevin 150 illik yubileyinə həsr olunan konfrans keçirilib

26 Dekabr, 17:49 Sosial mediada paylaşın:

“Ac hərflər”,  "Yeyərsən qaz ətini görərsən ləzzətini", "Dağılan tifaq", "Bəxtsiz cavan" kimi müxtəlif əsərlərin müəllifi Əbdürrəhim bəy Haqverdiyev yaradıcılıqla yanaşı, ictimai fəaliyyətlə də məşğul olub. Ədəbiyyatımızın görkəmli nümayəndəsinin bu il anadan olmasının 150 illiyi tamam olur.

Bu il Azərbaycan ədəbiyyatının görkəmli nümayəndəsi, böyük dramaturq, nasir, publisist və teatr təşkilatçısı, tanınmış ictimai xadim Əbdürrəhim bəy Haqverdiyevin anadan olmasının 150 illiyi tamam olub. Bununla əlaqədar  “Azərbaycanın ədəbi, mədəni və ictimai-siyasi həyatının fədaisi: Əbdürrəhim bəy Haqverdiyev 150” mövzusunda onlayn konfrans keçirilib.  Tədbir “UNESCO-nun 2020–2021-ci illər üçün görkəmli şəxslərin və əlamətdar hadisələrin yubileyləri proqramı” çərçivəsində Azərbaycan Respublikasının UNESCO üzrə Milli Komissiyası və Mədəniyyət Nazirliyinin birgə təşkilatçılığı reallaşdırılıb. Videokonfransda iştirak edən çıxışçılar əhəmiyyəti dramaturqun həyat və yaradıcılığı haqqında fikirlərini bildiriblər.

"Əbdürrəhim bəy Haqverdiyev yaradıcılığı üslub və obraz baxımından zəngin və özünəməxsusluğu ilə seçilir. Əminliklə deyə bilərik ki, geniş oxucu kontingentinə malikdir" - deyə Mədəniyyət nazirinin vəzifəsini müvəqqəti icra edən Anar Kərimov bildirib.

Konfransda ədibin Şuşa  şəhəri yaxınlığındakı evinin erməni işğalından sonrakı vəziyyətinin videogörüntüləri də nümayiş etdirilib.

CANLI YAYIM