Fransada “İRS” jurnalının yeni nəşri

23 Dekabr, 13:40 Sosial mediada paylaşın:

Fransada “İRS” jurnalının növbəti nömrəsi işıq üzü görüb.

Baş redaktor Musa Mərcanlı “Ön söz”də Qarabağın tarixi, Qarabağın xanlıqları və xanları, Gülüstan və Türkmənçay sülh müqavilələri, həmçinin Dağlıq Qarabağ münaqişəsinin mənşəyi haqqında məlumat verib. Məqalədə 1990-cı illərdə Ermənistan silahlı qüvvələri tərəfindən işğal edilmiş Azərbaycanın Dağlıq Qarabağ bölgəsi və ətrafındakı yeddi rayondan, Ermənistandan zorla qovulmuş azərbaycanlılardan bəhs olunub. Müəllif rəşadətli ordumuzun Qarabağı azad etdiyi də qeyd edib. Jurnalda Fransadakı səfirimiz Rəhman Mustafayevin Azərbaycan və Vatikan əlaqələrindən bəhs edən “Müqəddəs Taxt-Tacla dialoq və əməkdaşlığın inkişafı bizim üçün ikitərəfli, eləcə də beynəlxalq əlaqələr səviyyəsində xüsusi əhəmiyyət daşıyır...” adlı məqaləsi dərc olunub. Ölkəmizdə mədəni abidələrin qorunması və bu istiqamətdə görülən işlər barədə də məlumat verilib.

CANLI YAYIM