Meksikanın paytaxtı Mexiko şəhərində “XI Dost Ölkələrin Mədəniyyət Festivalı” keçirilir.
Hər il 5 milyonadək ziyarətçinin iştirak etdiyi festivalda Azərbaycanın mədəniyyəti və milli mətbəxi də təqdim olunur. 2009-cu ildən etibarən ənənəvi olaraq "Həmrəylik və Müxtəliflik" şüarı altında təşkil edilən festivalın əsas məqsədi müxtəlif ölkələrin mədəniyyəti, mətbəxi və ənənələri ilə Meksika əhalisini tanış etməkdir. Pandemiya səbəbindən bu il virtual keçirilən festivalda tarixi-memarlıq abidələrimiz, təbiət mənzərələri, milli geyimlərimiz, kəlağayı, dulusçuluq, misgərlik, xalçaçılıq kimi əl sənəti nümunələrimiz, o cümlədən dolma, paxlava, qutab və digər milli xörəklərimiz və onların hazırlanma qaydaları haqqında məlumat verilir. Həmçinin Azərbaycanın tarixi, mədəniyyəti və turizm potensialını əks etdirən videoçarxlar da paylaşılıb.
