Misirin tanınmış jurnalisti, “Aldiplomasy” informasiya portalının baş redaktoru Əşrəf Əbu Urafə İçərişəhər haqqında geniş məqalə yazıb.

“İçərişəhər” Dövlət Tarix-Memarlıq Qoruğunda yerləşən Şirvanşahlar Sarayı Kompleksi və Qız qalasının iyirmi il əvvəl UNESCO-nun Dünya İrs Siyahısına salınması, bu nadir tarixi məkanın Azərbaycanda dövlət səviyyəsindən qorunması barədə məlumat verib. Məqalədə Dünya İrs Şəhərləri Təşkilatının Cənubi Avropa və Aralıq dənizi ölkələri üzə Regional Katibliyinin "Mobillik və Mədəni irs" mövzusunda kitabçasında İçərişəhər Avropanın 13 tarixi şəhərindən biri seçildiyi qeyd edilib. Müəllif Qoruğun orta əsrlərdə Azərbaycanda yüksək inkişaf etmiş şəhərsalma sənətinin qiymətli incisi oluduğunu bildirib. Bu məkan XIX əsrdən, neft sənayesinin inkişafı ilə İçərişəhər adlanmağa başlayıb. Arxeoloji qazıntılar hələ VII əsrdən İçərişəhərdə yaşayış binaları tikildiyini göstərir. Məqalədə həmçinin İçərişəhərdə bərpa işləri, qala divarlarının mühafizəsi ilə əlaqədar Azərbaycan dövlətinin gördüyü işlərdən də bəhs edilib.