Amerikada yaşayan azərbaycanlı rejissor Elmar Bayramovun filmləri iki nüfuzlu film festivalının mükafatına layiq görülüb.

Amerika Birləşmiş Ştatlarında yaşayan rejissor Elmar Bayramov daha iki uğura imza atıb. Rejissorun autizm sindromlu uşaqlara həsr etdiyi “Uğur böcəyi” sosial filmi Amerikanın Florida ştatında keçirilən “15 dəqiqə çərçivə” adlı Beynəlxalq Kino Festivalının “Ən yaxşı sosial film” nominasiyasının qalibi olub. Filmin ssenari müəllifi Elmar Bayramov və Elçin Ağazadə, operatoru Tərlan Haqverdiyevdir. 

Elmar Bayramov layıhə haqqında bunları dedi: “Layihəmiz müharibə ərəfəsində bir neçə nəticə əldə etmişdir. Festival nticələrini kütləvi paylaşım etmirdik bəlli səbəblərə görə. Lakin sonuncu uğurumuzu niyə paylaşdıq? Çünki “Uğur bösəyi” layihəsinin əsas sountreki Rəşid Behbudovun ifasında olan “Laçın” mahnısıdır. Hansı ki, bu ərəfələrdə Laçın işğaldan azad olunub, həm də, Rəşid Beyhbudovun doğum günüdür…. Bu nəticə çox təsadüflərlə üst-üstə düşdüyünə görə bizi bunu paylaşmağa vadar etdi”.

Elmar Bayramovun rejissoru və ssenari müəllifi olduğu “Qaçmağa icazə verin” qısametrajlı filmi isə Londonda keçirilən Fighting Spirit Film Beynəlxalq Kino Festivalında “Ən yaxşı xarici film” mükafatına layıq görülüb. Ekran əsəri hər bir çətinliyə baxmayaraq, maneələri dəf edən Orxan adlı fiziki qüsurlu gənc haqqındadır. Filmin prodüserləri - Könül Kəngərli, Klara Brotons Merkadal, Alan Goldberg, Zeke Ramazan Geis. Filmdə əsas rolun Tural Manafov ifa edir.

Qeyd edək ki,  “Qaçmağa icazə verin” qısametrajlı filmi Los Angelesdə, Nyu Yorkda, Torontoda keçirilən beynəlxlaq festivallarda müxtəlif nominasiyalarda qalib olub.