UNESCO-nun Qeyri-Maddi Mədəni İrs Üzrə Hökumətlərarası Komitəsinin 15-ci iclası öz işinə başlayıb

15 Dekabr, 15:53 Sosial mediada paylaşın:

UNESCO-nun Qeyri-maddi mədəni irsin qorunması üzrə 2003-cü il Konvensiyası əsasında fəaliyyət göstərən Hökumətlərarası Komitənin 15-ci iclası 14 dekabrda öz işinə başlayıb. Növbəti günlərdə iclasda baxılacaq nominasiyalar arasında Azərbaycanın təqdim etdiyi "Nar Bayramı-ənənəvi nar bayramı və mədəniyyəti", həmçinin, digər nominasiya sənədinin müzakirəsi nəzərdə tutulur.

Qlobal pandemiya şəraiti ilə əlaqədar ilk dəfədir ki, virtual formatda baş tutan Komitənin sessiyasında UNESCO-nun Baş direktoru Odre Azule və 15-ci komitənin sədri, Yamaykanın mədəniyyət, gender, əyləncə və idman naziri Oliviya Qranqe çıxış edərək iştirakçılara uğurlar arzulayıb. Komitənin 15-ci iclasında ölkəmizi Mədəniyyət Nazirliyi, UNESCO yanında daimi nümayəndəliyimizin rəsmiləri Vasif Eyvazzadə və Ayaz Qocayev təmsil edir. Bildirilib ki, növbəti günlərdə iclasda “Bəşəriyyətin qeyri-maddi mədəni irsinin Reprezentativ Siyahısı”na daxil edilməsi üçün baxılacaq nominasiyalar arasında Azərbaycanın təqdim etdiyi "Nar Bayramı-ənənəvi nar bayramı və mədəniyyəti", və ölkəmizin Türkiyə, İran, Özbəkistan ilə birgə təqdim etdiyi "Miniatür Sənəti" çoxmillətli nominasiya sənədlərinin müzakirəsi nəzərdə tutulur. Ümumilikdə Komitənin 15-ci sessiyasında üzv ölkələr tərəfindən “Bəşəriyyətin qeyri-maddi mədəni irsi üzrə Reprezentativ Siyahısı”na daxil edilməsi məqsədilə 42, “Təcili Qorunma Siyahısı”na daxil edilməsi üçün isə 4 nominasiya faylı təqdim olunub.

CANLI YAYIM